Landsbankin hevur ment myndil, ið fyrstu ferð varð almennur í mars mánað og sum nú er dagførdur við nýggjum tølum.

Við myndlinum kanst tú síggja, hvussu fíggjarpolitisk tiltøk ávirka úrslitið á fíggjarlógini og skuldina hjá landskassan.

Myndilin ger tað møguligt at broyta uppá bruttotjóðarúrtøkuna, rentuna, útreiðslurnar og inntøkurnar hjá landskassanum, og so síggja, hvussu hetta ávirkar úrslitið á fíggjarlógini og skuldina hjá landskassanum.

Løgtingið hevur samtykt, at avlop skal vera á fíggjarlógini í 2016. Við myndlinum er møguligt at síggja, hvørji krøv tað setir til útreiðslurnar og inntøkurnar á fíggjarlógini fyri at fáa hana at javnviga. Myndilin sigur tó ikki, hvørji einstøku tiltøkini skulu vera á ávikavist inntøku- og útreiðslusíðu landskassans.

Av tekniskum áðum (sirkulerar referansur) er umráðandi, at excel ikki er opið, tá myndilin verður opnaður, so syrg fyri at lata aðrar excel-fílur aftur, innan myndilin verður latin upp. Heinta myndilin sum excel-fíla.

Heinta fortreytir og vegleiðing sum pdf-fíla.

Myndilin við vegleiðing og fortreytum er eisini at finna undir ÚTGÁVUR