Endamálið við hesari heimasíðu er at geva fólki eina kunning um landsbankans virksemi, eins og um gongdina í føroyska búskapinum.
Kunningin um landsbankans virksemi finst undir Um landsbankan. Her er skrivað um endamál landsbankans og hvussu vit røkka hesum endamálum.
Kunning um búskapargongdina er ma. á forsíðuni, har tøl eru fyri búskapvøksturin og prísvøksturin, har prísvøksturin er gjørdur sum eitt termometur, sum kann siga um tað er ov kalt ella ov heitt í búskapinum. 2% vøkstur verður hildin at vera tann vøksturin, ið skal vera í prísunum. Umframt tað hava vit valt at gera rættiliga nógv burturúr undir búskapargongd at seta upp tøl, so skjótt kann fáast eitt yvirlit yvir tey hagtøl, ið eru mest uppdateraði, um gongdina í búskapinum.
Umframt tað er málið javnan at gera greiningar av ymsum viðkomandi samfelagsbúskaparligum evnum. Hesi fara at liggja á forsíðuni undir tíðindi.
|
landsbankin.fo | VTal: 382809